春天 (已結業)

好耐之前試過呢間餐廳記得都唔錯，今日就去左食個下午茶，唔洗等位就有得入，而且餐廳入面嘅客人亦都唔多。我就叫左個黑椒牛俐炒意粉，連埋杯野飲就$38。先唔講d食物，服務真係好令人失望，無論一坐低定係叫野食嘅時候都無侍應過黎招呼，而且態度亦都係好冷淡，而且送餐嘅時候好似將d野食飛埋黎咁。最誇張係我叫左好耐都無人攞芝士粉黎，我就自己出去問啦，點知佢竟然冷笑左一聲跟住指住個櫃話：芝士粉囉。服務差都算，食物亦令人非常失望，意粉非常之硬，而牛俐就好霖，完全唔爽口。無論食物同服務都難以令人滿意，下次唔會再去。