北園酒家 (已結業)

幾年前係附近翻工，同事一有聚餐都會來呢度食lunch， 印象中嘢食都好好， 最記得大家都好鍾意叫呢度既四喜烤麩，其餘點心都好唔錯。 事隔咁多年， 唔知係咪管理不善呢，呢間嘢變到越來越差，話說我同家人一行人3大一小去飲茶， 一去到1樓， 有個哥哥仔指住叫我地行入去坐， 點知入面full左， 好啦，無位都唔緊要， 無人帶位都算， 我帶住BB ， 又有行動不便老人家都算啦，我自己上多層睇睇有無位啦，去到二樓， 個呀姐點我地坐張6-7人檯，仲叫我地搭檯， 我好聲好氣問可唔可以唔搭呀（其實當時有幾張吉檯）個呀姐好無禮貌咁講「唔搭檯我lee度無位俾你！」 其實呢，我覺得你做服務業，對客人講嘢加多句唔好意思， 繁忙時間時段暫時無位， 或者你上樓上睇睇有無細檯」 連基本禮貌都無？ 莫講話禮貌啦，我抱住Bb連BB櫈都無張俾我， 我只可以講， 你價錢唔係平價酒樓， 地點係中環區， 仲要收我加一服務費， 請問服務態度咁樣值得客人俾錢？