越南牛肉粉專門店

營業中

休息中

今日八點鐘，同二個朋友一齊過嚟食晚餐，因為見到鋪頭裝修OK嘅，點知坐低係揀好食咩，去點餐先至發現勁差，係服務態度勁差，落單已經好似催命符咁樣黑晒面，都唔緊要，明明九點半last order,八點鐘已經好似個個想收工咁，叫咗二個河粉，三杯嘢飲，開始食，佢哋成班已經坐咗喺度望住我地食，然後有一下同落單嗰個對望，先至發現其中頭先落單個員工啤住我哋，咁樣食嘢好大壓力又好辛苦，明明睇到佢收十點，我哋八點鐘入去，好差好差我未食過一間野可以咁差，然後又有幾個人走咗入嚟大概六個人到跟住之後，佢哋都應該已經同廚房玩，又有六個，唉，其實咁趕住收工，應該要改善下啲制度，而唔係發洩落客人身上，況且我地都唔係遲入嚟，正常時間，亦都食得好快，唔會再幫襯第二次亦都呼籲各位唔使幫襯，我係食到一肚火，因為食完成餐不斷比班黑面員工係咁啤，⬇️⬇️就好似最後嗰張相咁樣坐咗係我哋後面不停望住我地食，本身我都想姐埋個女人個樣，但係賣單嘅時候令到我真係想公開佢個樣俾大家睇，我真係好嬲，俾錢一句多謝都冇唔緊要，找錢係定落張枱，仲要個面黑到爆，我哋幾個朋友已經不斷喺度講，我哋究竟做錯咗啲乜嘢，然後我哋即刻上OpenRice check返