小越廚

營業中

休息中

餐廳環境不算闊落，枱與枱之間距離有點逼狹。餐廳裝潢帶越南風格。用餐時間係平日晚上七點，人唔算多，唔使排隊就有位。眼見店員只有一位，又要做外賣又要做堂食都仲咁好禮貌，值得一讚。而落單係掃QR碼，非常方便。招牌火車頭湯河粉⁶²招牌火車頭湯河份量十足。牛骨清湯味濃郁，河粉有咬口。生牛肉熟度剛好，上枱再浸一浸就食得，牛肉肉質嫩滑，牛味充足。牛筋腍嫩，仲有牛味十足嘅牛丸。跟餐追加兩款特價小食⁶⁵蒜香雞翼雞翼外面炸得金黃香脆，內面嫩滑入味，蒜香味濃，加埋泰式辣醬更加惹味。泰式酸辣鳳爪鳳爪爽口，味道酸酸辣辣咁，非常開胃。凍檸茶⁺⁹青檸份量多，茶味夠濃。