勁嘆燒烤場

營業中

休息中

之前同朋友食飯，佢提起過玩朗有間任食串燒，所以今日專程來試一試，由於怕無位，所以早一日訂位，原來佢地有分2種，一隻係港式燒烤一隻係重慶燒，我地撰左重慶燒。佢地早半個鐘打來確認我們是否到，幫我地開定爐，十分細心。我地一來到就馬上燒得，不過要比左錢先，每位158，一個爐40蚊開爐費,由於我地唔中意食魚同蔬菜，所以都係食肉類、花枝丸同腸等等，煙肉腸同腸仔好咸，加左汁醬都遮吾到，魷魚so無魷魚味，又淡，一d味都無，仲有好明顯的雪味同埋好un，墨魚咀都係，花枝丸係所有食物中最沒有問題的，其次金菇肥牛卷同9菜卷都不錯，咬落去有肉汁，有吾un,而其他肉類都好淡，無好似無醃過咁，而且燒出來無香味，可能佢無用油，正係落水，調味粉方面都係慢慢，食落好似無味咁，除左辣，最後食個波蘿，味道不錯，不太甜，不太酸，咬落淡淡汁。不過職員幾好人會指導你點燒，所以吾識燒吾洗驚。