譽小館 (已易手) 新餐廳

之前見彩園廣場開左譽小館一直都好想試，朋友介紹過介話唔錯，今次特登走過黎試一試龍與鳳！環境都幾光猛，有好多卡位！地方乾淨整潔！坐得都幾舒服！呢度啲職員服務唔錯！好好客！介紹你有咩好野食！呢度有好多點心選擇，花多眼亂！皮蛋瘦肉粥都幾大碗，又多料幾好食！仲叫左金錢肚，超級大碟，大大舊，份量好多又有菜放底！仲叫咗鹹菜豬肚食，好入味好夠辣，不過如果再多啲豬肚就更好啦！仲叫咗沙律鮮蝦卷，好脆口，又唔會太油膩，幾好！當然仲有必食嘅蝦餃同埋燒賣啦！下次一定要捉埋一大班朋友一齊再食過！