添好運點心專門店 (裝修中)

今日下午兩點半後入座，當時有好多吉枱，我地一行三大人加一位6個月大BB，侍應語氣超差話唔比放BB車，BB車要放門口，咁都算，既然要客人抱住BB用膳，又咁多吉枱，咁我想揀一張空間寬闊些都唔比，藉口話店尾位置一陣要清潔唔比新客入座（當然，我地食完埋單都唔見佢地清潔），咁唯有退而求其次啦，雖然侍應阿姐黑晒口面望住我地，我都再算數唔想影響與朋友聚餐嘅心情，但用餐中途叫侍應加水，佢回應得好晦氣，收得茶錢，加水係應份啦，做侍應做到要令食客唔享受到用膳樂，呢個老闆咁都接受到員工態度惡劣幫手趕客就真係連老闆都有問題！到埋單時因爲要泊車優惠問左一句係咪要電子消費先得，收銀果位女仕語氣勁差答左兩次我地冇泊車，呢度冇電子付款，係咪一定要咁差對客人佢地先會開心工作？好食嘅點心仲有好多地方選擇，想食得開心又享受就唔好揀呢間！雪山叉燒包唔錯，但都抵不過食到一肚氣，好難受！