Cafe 1950歐陸餐廳 (已結業)

幫親唔只一次啦，早餐午餐,有時夜晚諗唔到食咩，都會去呢間。今日去完行山，返到大圍，就諗住黎食個下午茶。叫左熱狗薯條同個麵,個伙記唔知做咩放個餐落黎好大聲，好地地傾緊計比佢嚇親，都唔緊要，唔好意思都無講就走左去。到個熱狗黎，一切開，個包個底竟然勁焦，正常人都會搵個伙記問下。當然呢個係廚師既問題，唔關個伙記事，但係佢一聽完，就示意我地切走個焦低，我地即時呆左係度，然後講多兩講佢先話換個個比我地，跟著一手將個包扔落垃圾筒。個下真係嬲嬲地，茶餐廳服務態度都唔會咁，黑色衫既阿姐真係離譜。呢個黑色衫既阿姐，之後我地斟野飲，仲係後面好大聲講讓一讓，佢要放野。到個熱狗黎，我同我個fds笑死，竟然'hong'都無'hong'，就比我地，係無焦，但以後都唔想黎食，我明白20幾零蚊，要求唔好太多，但都唔係咁，正常人都會問下啦，下次情願去樓下間大家樂，無咁嬲。講真，幫親咁耐，呢度d野食唔難食，早餐好食過M記，午餐好食過大家樂，自由斟野飲，但係服務質素每況愈下lo。今次我地唔好彩，但個黑衫阿姐，同一般既食物質素，呢個價錢，下次行多陣去pizza hut 算啦。