悠閑閣餐廳 (已結業)

依間餐廳係我去過嘅所有餐廳入面服務態度最差。1) 入到去發現張枱仲未執乾淨，絕對唔係因為太忙，因為有啲員工係棟緊係度，要提醒佢先識得過黎執。2) 點餐個陣叫佢加多啲醬，個員工竟然話「都唔知你講咩」，如果係我地講得唔清楚嘅話，我覺得可以更加禮貌咁詢問多次，而唔係用啲毫無待客之道嘅態度黎講。3) 總共叫咗4個餐，其中1個意粉遲遲都未黎，其他遲過我地黎嘅客人嘅意粉都黎咗，只好叫職員催一催廚房，過咗20分鐘都仲未黎，再催多次，個員工check一check之後，先再問我地係叫咗邊個餐，明顯係落漏咗個餐啦，咁點解第一次催單嘅時候冇發現依個問題呢?搞到等個早餐都等咗45分鐘，同行嘅屋企人已經一早食完，最後要趕頭趕命咁食完，仲要塊雞扒煎焦哂...... 已經好耐冇寫食評，今次真係嬲到要寫出黎，以後都唔會再黎食！