新羅寶韓國餐廳 (已結業)

其實從來都唔打食評，但呢次真係奶野，點都要留返幾隻字。喺機場附近返工，lunch排左陣隊好快入到去食，有lunch set menu，價錢還可以接受。叫左個七號餐，炆牛排骨跟飯，好記得係七號，因為侍應阿姐上菜，喺嘈雜嘅環境問:”邊個2號？”、”邊個7號？”，唔係好聽得清楚佢講乜，即時亦反應唔切，兩秒思考時間都無，阿姐就開口大罵:”你地唔知自己叫乜咩？叫完又唔應，唔食呀嘛？”，然後發悔氣咁放低，口嗡嗡繼續鬧我地，態度非常惡劣。我頂唔住頸，就話返佢:”知你好忙好多野做，但你而家咩態度呀？我地黎食野，唔係俾你鬧”然後個阿姐再鬧，話:”我態度係咁架喇，邊個七號？”，我同另一個同事都舉手，然後佢拎左去俾另一個同事先，隔左陣先拎我嗰份黎。我心諗，係咪加我料呀？老實講，食物唔差，係ok，之後呢個阿姐都無出現，有另一個姐姐serve我地，有一份餐遲左上，另一個姐姐都好有禮貌，話唔好意思。之後返到office，隔左大半個鐘，就奶野喇，肚疴到七彩，唔排除係加左我料。