NeNe Chicken (大埔超級城) (已結業)

哩間咁受歡迎，又有明星代言，就去試吓，點知好失望🌝落完單之後炸雞勁快咁上咗嚟，感覺好甜，食完碟炸雞，再等十幾分鐘，嚟咗杯嘢飲，再等二十幾分鐘，嚟咗湯麵，鹹到好似食鹽咁😑食完甜辣炸雞之後想試吓其他味，就加單點咗鼓油味炸雞，之後勁快嚟咗，感覺醬汁好水，味道麻麻地，唔係喺韓國食過嗰款杰身嘅鼓油炸雞🤡之後等咗十幾分鐘，見到隔離檯遲過我哋去遲過我哋落單，但竟然上咗兩份芝士炒年糕伴拉麵先，跟住問職員我哋嗰份幾時到，職員態度惡劣，答非所問，話幫我哋CHECK單，之後又冇咗下文，足足等咗一個半鐘先上芝士炒年糕伴拉麵，仲要都係好鹹😑又唔平，絕對唔會再幫襯😾