影片
更多
2019-06-02
1666 瀏覽
因為喺附近，加上呢度多位，同朋友一班人食飯都多黎呢度。一直覺得食物冇咩特別，但容納到多人所以都冇所。一如以往，逢星期日中午，成個卓爾居商場既食店都好多人，我地又人多，呢間有位就緊係入啦。呢間餐廳本身係燒烤店，但中午都有飯有烏冬可以食，而且叫定食係有前菜，有甜品，選擇都多。前菜不論係牛/鴨胸，試過幾樣都係凍食；甜品就有布甸，jelly，不過不失；雖然餐廳有哂韓文，又有心心手勢形狀既燈，不過定良呀拉麵烏冬嗰啲都偏向日式，味道唔係特別好，但價錢相宜而且唔算差。不過佢地俾既水，味道成日有啲怪味，但都算小問題，唔飲就由佢😅。另外呢度用平板電腦落單，我地通常都係逐個叫，各自為政，睇情況就會禁個落單制（有時都兩三個就禁一次落單，因為部機慢，有時又hang機，驚啲野冇左）今日我地八個人，有三個叫咖哩牛肉烏冬，一個雞塊烏冬，一個炸蝦定食，一個牛肉飯，一個滑蛋豬扒飯，一個吉列豬扒定食。（大約係咁啦，有一兩個唔太記得）到野食黎既時候，黎多左個帆立貝烏冬，我地就話我地冇叫啦，睇單問清楚大家，都係冇人叫過既，但個侍應一黎就話：「有架，係呢度架，擺低啦。」然後就走左。唔知點解會多左，加上有人落單時都見過無啦啦多左
一如以往，逢星期日中午，成個卓爾居商場既食店都好多人，我地又人多，呢間有位就緊係入啦。
呢間餐廳本身係燒烤店，但中午都有飯有烏冬可以食，而且叫定食係有前菜，有甜品，選擇都多。前菜不論係牛/鴨胸，試過幾樣都係凍食；甜品就有布甸，jelly，不過不失；雖然餐廳有哂韓文，又有心心手勢形狀既燈，不過定良呀拉麵烏冬嗰啲都偏向日式，味道唔係特別好，但價錢相宜而且唔算差。
不過佢地俾既水，味道成日有啲怪味，但都算小問題，唔飲就由佢😅。
另外呢度用平板電腦落單，我地通常都係逐個叫，各自為政，睇情況就會禁個落單制（有時都兩三個就禁一次落單，因為部機慢，有時又hang機，驚啲野冇左）
今日我地八個人，有三個叫咖哩牛肉烏冬，一個雞塊烏冬，一個炸蝦定食，一個牛肉飯，一個滑蛋豬扒飯，一個吉列豬扒定食。
（大約係咁啦，有一兩個唔太記得）
到野食黎既時候，黎多左個帆立貝烏冬，我地就話我地冇叫啦，睇單問清楚大家，都係冇人叫過既，但個侍應一黎就話：「有架，係呢度架，擺低啦。」然後就走左。
唔知點解會多左，加上有人落單時都見過無啦啦多左個帆立貝烏冬，但取消左，另外又有人之前黎食過都有呢個情況，我地都想find out究竟咩事。都明白喺佢地角度會覺得我地叫左唔認數，但我地又的確冇人叫過加上唔係第一次發生。
咁我地開個平板再試過，發現每次等得耐時hang機就會出現呢個情況。叫麵食時，無啦啦會彈左個畫面要再揀過湯底同野飲（本來已揀完），揀完之後個落單位置會由0變左2，有2、3次都係咁，我地就拍低左條片，諗住同職員講返，都係好聲好氣地講，想避免事件再次出錯，善意了解下係咪系統出錯，佢睇完條片都唔信我地，佢禁左一次冇事就話明明冇事。😅😅
本身普通一餐飯，啲野食冇咩特別都冇諗住寫，都冇特別影相，但有啲個別侍應態度麻麻，食得不太愉快，另外提醒大家小心啲，落單時望清楚有冇出錯。
張貼
