花墟茶餐廳

營業中

休息中

首先，呢間花墟茶餐廳內每部冷氣機都不停滴水，只要座位上有冷氣機，枱面上嘅食物都會被冷氣機水污染，衛生環境欠佳。另外，員工態度十分惡劣，直頭趕客。當時我地兩個人坐卡位，其實後面枱都係二人坐一張卡位，餐廳內亦有其他空位，不是滿座。餐廳員工不停要我地坐埋一邊，繁忙時間需要客人坐埋一邊要搭枱，我哋係十分理解，但當時係有其他空位架喎，同埋後面枱都係二人坐一張卡位，點解一定要我地坐埋一邊呢？同埋如果當時係滿座，有客人需要搭枱嘅話，我地一定會坐埋一邊讓位置出黎比人坐。然後下一秒，我地就聽到店內員工不停同其他伙記講「一陣一有客黎，就要啲客坐呢張枱！」，指明要帶其他客坐我地呢張枱，而當時餐廳內係有其他空位，即是佢地非要其他客人坐落黎我地張枱到搭枱不可，亦唔比剛進來嘅客人選擇自己想坐嘅位，簡直不知所謂，我完全不能理解為何要強逼客人坐你安排的位置，仲要受你氣。此外，食物價錢亦貴得不合理，常餐仲貴過澳牛，但起碼澳牛食物有返咁上下質素，對客人態度亦友好，呢間餐廳食物直頭冇質素可言。總括黎講，呢間餐廳完全唔識做生意，趕客到不得了，啲態度好似你每枱客都阻住佢做生意咁，希望大家黎到呢間野唔洗受氣。