協盛大排檔 (已結業)

晚上一行八人去打邊爐，因為滿座了所以要坐舖頭後面嘅室外。其實就比較鄰近公廁環境同埋後街，衛生環境都比較差，幸好沒有見到小強，但就比較有大排檔風味。食物方面都還好，墨魚丸比較出色，食左兩輪，其他食物到一般，清湯真係好清無味，麻辣就比較好食，手切肥牛勁碎咁，完全唔係一塊塊。但最不滿嘅係老闆娘態度勁惡劣，大聲及沒有禮貌，一開始時問佢有冇枱，都唔回應，之後先推我去遠處個張枱。之後更聽到佢喺度鬧客人。呢個價錢打邊爐唔平亦唔貴，但香港人更需要的是一份尊重。