Pokka Cafe (青衣城1) (已結業)

之前買左券，所以又去左食，上次同今次食嘅牛扒都好麻麻，無論便定貴都唔好食，紐西蘭同埋澳洲嘅扒都有叫，所有嘅肉質都唔好食，好靭好難咬開。咁都算，最重要係服務態度都好差，大部分員工都不錯，除了一位高、齊陰、紮馬尾嘅女員工外，佢經常黑口黑面，對我地講野大聲，無禮貌，重要成日啤住我哋… 好似前世得罪咗佢咁。全程食嘢都好冇癮，好不自在，簡直就係俾錢買難受。真心唔會再幫襯呢一間餐廳，並且會同所有親戚朋友講叫佢哋唔好再幫襯。睇到留言嘅你，都唔該諗清楚再決定去唔去食。