影片
更多
2013-08-05
917 瀏覽
本來想去金曼谷，但室內book哂檯又唔想坐出面熱辣辣，見到後面有間餐廳寫住日本料理，走去睇下餐牌先知係放題，仲有5分鐘先6點先開門，問下可否坐住先，其中一個服務員話6點先可以，之後走番入餐廳內，再問另一個服務員佢過左陣先話ok! 可能仲早得我地2個，全程得2個服務員好得閒出去食煙，不過d煙味都係吹入黎，食完又唔洗手，全程2個服務員態度都好差，坐低無耐已想走，但男友想試下新餐廳，所以繼續坐吧…餐廳內位置唔算大，大約可放10張四人檯，地面、餐桌、紙巾盒上面都唔太乾淨，牙籤無蓋有d塵，Order紙好少好亂款式少，第一印象已不太好! 刺身沒有冰鎮，只有三文魚同希靈魚比較可以，其他一般…甜蝦感覺有d硬硬地…怪怪…炸蠔壽司，好厚粉而且蠔唔新鮮!海膽壽司放題黎講少有，有d驚喜，不過太少海膽多飯唔太鍾意!芥辣八爪魚無芥辣味，不過因為係即叫即做，紫菜好脆所以加番d分!依間煮蜆有3種，胡椒浸蜆(圖中)，牛油炒蜆同血海蜆!我地3樣都有叫，胡椒浸蜆未見過咁煮法，不過胡椒味好淡…蜆有dd沙…一般啦! 牛油炒蜆係最好，好香牛油味配炒蜆唔錯，不過好多都無開口，都係有dd沙!最後係血海蜆，即係辣味，幾辣下，食左幾隻食
刺身沒有冰鎮，只有三文魚同希靈魚比較可以，其他一般…甜蝦感覺有d硬硬地…怪怪…
炸蠔壽司，好厚粉而且蠔唔新鮮!海膽壽司放題黎講少有，有d驚喜，不過太少海膽多飯唔太鍾意!芥辣八爪魚無芥辣味，不過因為係即叫即做，紫菜好脆所以加番d分!
依間煮蜆有3種，胡椒浸蜆(圖中)，牛油炒蜆同血海蜆!我地3樣都有叫，胡椒浸蜆未見過咁煮法，不過胡椒味好淡…蜆有dd沙…一般啦! 牛油炒蜆係最好，好香牛油味配炒蜆唔錯，不過好多都無開口，都係有dd沙!最後係血海蜆，即係辣味，幾辣下，食左幾隻食唔到啦…! 圖左上角係酸薑皮蛋…係日式放題都係第一次見，皮蛋超乾，酸薑超老多筋，完全唔得!
鵪鶉蛋都係日式放題未見過，下面有鹽，一開殼隻蛋有部份黑色…
寫住燒菠蘿但係完全無燒過，燒菠蘿、燒帶子、炸薯餅、京蔥牛柳粒同雞翼全部都唔得，好乾唔新鮮，只有燒粟米係甜好味，所以之後再叫多串!
天婦羅叫左蝦，番薯同茄子都唔錯，可能時間早仲可以即叫即做，所以之後叫多3串蝦天婦羅!
溫泉蛋勁唔得，完全無處理過!
食到6點半先有其他客陸續到，先送芝士焗蠔，雖然係細隻d，不過都幾好味，係全部食物最好味既食物啦…
火灸鰻魚幾好味算新鮮，不過火灸三文魚一d都唔肥美新鮮!炒什菜都麻麻地…什菜絲不多…蘿蔔絲多…不如叫炒蘿蔔絲更貼切吧!免費飲品方面得4樣，無汽可樂、無汽雪碧，熱綠茶同麵豉湯!之後多客人開埋出面，所以要追埋單同甜品!限時2小時，最後半小時截單，全程睇到同感受到不少! 開始多人後2個服務員態度更差，黑面、飛野、掟食物、無禮貌、成碟食物倒哂係前面檯客人身上等等，咁既服務質數更好更新鮮食材都無用，更何況! 一定唔會再幫襯!
張貼
