彩雲軒 (已結業)

今日同屋企人親戚食飯，純粹食圍菜簡簡單單。 但係點知第一道餸之後，第二道餸已經上錯咗，搞勁耐先補返。 跟住啲餸菜勁重口味，乳豬、翅湯同雞等非常之咸，上每一道餸都唔會主動比配料，要主動問佢先有，又搞一大輪，最後忍唔住都係要自己拎，食到都冇癮。 之後我地切蛋糕問佢借火機，收銀個阿姐驚死我偷佢個火機咁，話「你喺邊間房？用完記得還Wo」。一個火機幾錢呀，我使唔使貪你個火機？ 我哋切蛋糕個陣，一家人圍埋影相，突然間成班侍應係門出面話「唔見咗個火機快啲去搵」，跟住係幾間房入面望。果下同屋企人唱緊生日歌，所以費事理佢。整完之後我攞個火機比佢，成班話「搵到啦搵到啦」，我個下都燥燥地問佢「咩事？ 有咩咁緊張？ 」 成班先唔出聲咁食完蛋糕我哋食壽包，都未食完成班趕收工咁拆晒我地間房d圍板，問題係其他房仲有客又唔見佢趕，真係好冇禮貌。 成餐飯又貴又難食，仲要態度咁差，食到一肚火，以後去遠D我都唔會食。