影片
更多
2007-05-19
2 瀏覽
朋友因星期四到此餐廳試過, 發現坐outdoor環境不錯,維港夜景,吹著海風,十分舒適, 於是星期五晚再約我們去試試. 朋友reserved 7:30, 去到接侍員話我地book咗7:00, 仲話留位只留5分鐘, 當誤會又好, 聽錯又好, 服務員好似冇打算再安排咁, 都算喇, 結果我地都只係等多5分鐘便有位. 奉勸各位如果真係想去, 又想坐ourdoor千萬唔好星期五六日去, 嗰啲好有表演慾嘅人會喺度開演唱會, 歌喉真係不敢恭維, 仲要係好似廟街咁, 加晒大喇叭, 唱晒賣身契,尖沙咀Suzy, 無言的結局..., 完全同個境唔夾, 如果約咗喺嗰度求婚就真係分分鐘變咗分手. 我地四個女仔去,諗住傾吓計, 都完全頂佢唔順. 食物一般, 尚算OK好啦, 埋單啦, 我朋友比咗credit card waiter之後, 另一個朋友突然醒起應該問吓有咩卡有折, 咁咪叫咗個waitress來問, 個waitress話滙豐有折, 我地即刻叫佢入去叫停嗰個waiter啦, 點知個waiter出返來已經碌咗卡, 我地叫佢Void咗呢張, 都未講完, 佢態度好差咁講"咩原因", 我地話"我地想用第二張卡有d
朋友reserved 7:30, 去到接侍員話我地book咗7:00, 仲話留位只留5分鐘, 當誤會又好, 聽錯又好, 服務員好似冇打算再安排咁, 都算喇, 結果我地都只係等多5分鐘便有位.
奉勸各位如果真係想去, 又想坐ourdoor千萬唔好星期五六日去, 嗰啲好有表演慾嘅人會喺度開演唱會, 歌喉真係不敢恭維, 仲要係好似廟街咁, 加晒大喇叭, 唱晒賣身契,尖沙咀Suzy, 無言的結局..., 完全同個境唔夾, 如果約咗喺嗰度求婚就真係分分鐘變咗分手. 我地四個女仔去,諗住傾吓計, 都完全頂佢唔順.
食物一般, 尚算OK
好啦, 埋單啦, 我朋友比咗credit card waiter之後, 另一個朋友突然醒起應該問吓有咩卡有折, 咁咪叫咗個waitress來問, 個waitress話滙豐有折, 我地即刻叫佢入去叫停嗰個waiter啦, 點知個waiter出返來已經碌咗卡, 我地叫佢Void咗呢張, 都未講完, 佢態度好差咁講"咩原因", 我地話"我地想用第二張卡有discount", waiter"咁你們有咩卡", 我地已經好不滿, 佢態度好似想嗌交咁, 我地咪又問佢"咁你咩卡有折吖", 佢就話滙豐, 我地咪話"咁我地比滙豐囉", 點知佢仲要話"你出示你張滙豐卡先吖", 真係完全係冇服務態度嘅服務員. 結果埋咗單我地都好唔滿意, 決定搵個經理投訴啦, 點知個經理Stephen Lai都唔係好好多, 我地講咗兩句,都未講完, 佢已經用個假到爆嘅笑容猛話入去睇吓剛才張單先, 我地咪話"我地未講完架", 佢就唯有用個假笑話好勉強咁聽完就入去攞番張單出來,其實佢都冇聽我地講嘢, 好似以為我地想再攞著數咁, 話其實佢地滙豐信用卡只係星期一至四有折, 我地話"係個女仔講架, 而個waiter都冇話唔得, 個問題唔係呢度, 係個態度問題, 冇折係無所謂" 如果真係咁, 佢地內部溝通都好有問題. 而且我地見佢都係咁, 都唔想再同佢講咁多.
總之就令人有一個不愉快晚上
張貼