功夫點心 (已結業)

兩個人晚飯時間去食飯，當時只有兩三枱客。座低後叫左乳鴿，蒸飯，炖湯＆馬拉糕。上菜時黎左d冇叫既點心，我地同樓面姐姐講冇叫咁多野，佢話係我地係點心紙寫左，仲話落單既時候問左我地係咪要。因為張點心紙本來有d係畫左X，我地落單時只係以為果d係冇得叫，點知佢當埋係我地order。我地同佢講只係要圈左幾樣其他唔係我要既。佢就串我地話“你冇飲過茶架咩，畫左就係”，仲教訓我地係出面都係咁，係咁用教訓既語氣話係我地既問題。屈我地叫我地唔要既野，仲要大大聲串我地，態度非常惡劣勁冇禮貌，做錯野唔認仲要屈個客。