心。泰 (已結業)

星期六果晚原本同家人食飯，我地6個人7點半去拎檯，等張6人檯等左成粒鐘，到8點九先有，呢個唔係問題，問題係我地係出面等檯果陣問門口個服務員仲有幾多張檯到我地,佢答下張到我地，之後我地繼續等啦,等等下見到有5,6個人入左去，咁我就去問個服務員點解唔係我地入先，佢居然話果班人等左半個鐘,而且趕時間...咁我就同佢講話我地等左成個幾鐘，唔講你知我地唔趕時間咩?之後佢啞口無言...咁都唔止，恕我孤陋寡聞，我未見過斟水個水壺仲細過水杯囉,我地6個人佢就要分開6次斟~~仲有,,menu入面有個餸係荷蘭豆,,咁佢話冇晒荷蘭豆，炒芥蘭可唔可以,,咁我地都冇所謂啦,,點知佢黎左荷蘭豆=..=沙田呢間味道亦不及九龍灣，加上服務態度差勁，以後不會再去!!