東小館 (東匯坊)

營業中

休息中

今日放工後諗住同朋友簡單high個靚Tea，知道東匯坊最近翻新咗諗住過去行下睇下有咩新餐廳，就比我地見到呢間。佢分堂食及外賣兩個店鋪，比較奇怪既係中間有間冰室分開咗，問過職員兩間店係冇關係既。今次我地試咗四款菜色，分別係煙燻乳鴿，竹炭七味豆腐，流汁小籠包及步步高升（年糕拼馬蹄糕）。比較驚喜既係乳鴿及豆腐，乳鴿十分脆口及煙燻味十足，豆腐則外脆內軟，帶有少許咸香味。相反，小籠包皮十分厚，來到時偏凍，明顯是放了一段時間，而年糕感覺煎焦了，偏硬及感覺是翻煎，而馬蹄糕則中規中矩，沒有什麼特別🤔食物份量都足夠，但等待時間比較長。而服務質素我認為有待過善，我地入座時間大約16:10，大約16:15已經下單了，過了一陣有個男職員用普通話問我地落咗單未，我地答佢落咗，佢話ok就走咗，但一直在後方不斷徘徊。其次，入座時有2個女職員非常大聲分享自己家中的事情，可能因為只有我們和另一枱客，叫過佢地幾次都聽吾到，之後總走埋一邊繼續講😵而另一枱客走咗之後，突然熄咗冷氣，成間店鋪變得很焗，告知職員後都有開番被我地😌但食到一半，大約5點左右，職員希望我地埋單先，因為想快啲埋數，但沒有收據🧾，只口頭講銀碼感覺十分奇怪。