agnès b. Café LPG (已結業)

唔洗指意我再去！話說今日好想食蛋糕，平時食開Passion, 但又心思思想食Agnes b(講真Passion啲蛋糕真係無得輸，只係真係忽然諗起不如食下Agnes b啫)！好啦入到去我晌個凍櫃前面滿心歡喜咁揀梗蛋糕，睇左一陣正諗住order之際，嗰個唔知waiter定店長定部長定經理whatever whoever 總之晌門口帶位嗰個男同事......同我地講，叫我唔好晌個凍櫃前面睇，叫我行番出門口睇menu!what?😲 仲話我企係嗰度啲人會撞到我又叫我晌出面排隊(人呢？我見唔到囉)。。。。我外賣排咩嘢堂食條隊呢？揀旦糕唔比睇實物反而叫我睇圖？你第一日賣蛋糕牙？從來未試過是但一間餅店話有實物都唔比睇叫我睇圖囉！最後我一件都唔買去番Passion!唔知佢咩事咁巴閉！明明食甜點係開心事，比佢搞到唔想食，未試過有咁差嘅待遇！啲嘢仲要唔係cheap, 唔洗一流服務都唔好咁趕客吖！垃圾都不如！