華星冰室 (阜財街) (已結業)

今朝同阿女路過元朗唔知食咩早餐就是但入一間，點知入咗呢間服務極差嘅餐廳。阿女無留意叫咗個常餐（常餐十一點後先有）我叫早餐，跟住個黑面男樓面態度極差咁回覆話無常餐，叫我們要兩個早餐。阿女繼續諗食乜，再落單嘅時候佢問我飲乜，我叫咗飲品佢又話你唔叫嘢食，我話我叫咗早餐，佢話無落單，因我哋未決定（佢嘅態度一路keep住係黑面差態度）。食物好一般，阿女叫咗個米粉，竟然係即食米粉，我嘅通又無味，做生意係咁真係無誠意，以後唔會再嚟，不知所謂，最後留意到個男樓面係經理，真係唔知係咪咁嘅態度先可以做到經理！