208
6
28
等級1
1
0
服務態度極差!!!食物質數中上位
2021-11-06 368 瀏覽
千字祥文慎入 !!第一次幫襯食到一肚氣,我地兩個人選擇左下午時間食大閘蟹放題,可以五個鐘任食,五百幾蚊一位,仲要有一個特別優惠提早埋單的話每位可減$20-$80以提早埋單既每小時計算,聽落非常吸引啦,戲肉黎喇,首先樓面有一位阿叔及一位阿嬸負責全場,而我地當時下午時間都唔多枱,斷斷續續連埋我果張有5-6枱客人係度,兩位都做到厭世咁款,一黎到啲態度都以經唔係好,坐到落枱想問個任食大閘蟹餐係有包括啲咩野任食?阿姐答我有既都係張檯度自己睇啦,下?我岩岩坐低張枱乜都無喎,然后繼續行返去收銀位同個阿叔傾計,等左一陣再問,咁我幾時可以落單叫蟹呀?今次到阿叔答我你選好湯底就幫你落單,hello?我食大閘蟹唔係蒸既咩?無啦啦要逼我要變左打邊爐先?以經覺得呢兩個人都非常九唔搭八,經過半小時一番波折終於比蟹我蒸喇,佢會提供一個計時器要set定你蒸20分鐘就食得啦,我食左兩轉總共四隻之後,發現時間以經過左個半鐘,於是我將計時器調較到15分鐘,因為啲蟹好細隻同埋一個蒸鍋只係蒸得四隻,15分鐘真係好足夠熟哂,然后再落單要蟹啦,阿叔埋黎就話食左海鮮先啦你地,就跟手將啲海鮮就放落鍋度蒸,hello?雖然你啲海鮮係送既
更多
千字祥文慎入 !!第一次幫襯食到一肚氣,我地兩個人選擇左下午時間食大閘蟹放題,可以五個鐘任食,五百幾蚊一位,仲要有一個特別優惠提早埋單的話每位可減$20-$80以提早埋單既每小時計算,聽落非常吸引啦,戲肉黎喇,首先樓面有一位阿叔及一位阿嬸負責全場,而我地當時下午時間都唔多枱,斷斷續續連埋我果張有5-6枱客人係度,兩位都做到厭世咁款,一黎到啲態度都以經唔係好,坐到落枱想問個任食大閘蟹餐係有包括啲咩野任食?阿姐答我有既都係張檯度自己睇啦,下?我岩岩坐低張枱乜都無喎,然后繼續行返去收銀位同個阿叔傾計,等左一陣再問,咁我幾時可以落單叫蟹呀?今次到阿叔答我你選好湯底就幫你落單,hello?我食大閘蟹唔係蒸既咩?無啦啦要逼我要變左打邊爐先?以經覺得呢兩個人都非常九唔搭八,經過半小時一番波折終於比蟹我蒸喇,佢會提供一個計時器要set定你蒸20分鐘就食得啦,我食左兩轉總共四隻之後,發現時間以經過左個半鐘,於是我將計時器調較到15分鐘,因為啲蟹好細隻同埋一個蒸鍋只係蒸得四隻,15分鐘真係好足夠熟哂,然后再落單要蟹啦,阿叔埋黎就話食左海鮮先啦你地,就跟手將啲海鮮就放落鍋度蒸,hello?雖然你啲海鮮係送既,明明我黎係想食大閘蟹呀,但係我睇到個樣咁唔新鮮真係唔想食囉,點解要逼我食唔新鮮既海鮮?都由得佢啦,又蒸左一輪,勉強食左啲海鮮,我又蒸返蟹啦,阿叔今次只係拎左兩隻蟹比我地,我就問點解得兩隻呢?阿叔答咁我再去拎多兩隻比你唔係唔得既,咁我都係教返15分鐘,阿叔就鬧我喇,你個鐘set左15分鐘咋喎,我話15分鐘夠哂熟啦,我心諗我想食蟹呀每輪都要等咁耐,我肚餓呀大佬,我等既時間多過食野,佢跟手搶左個計時器走,話我地呢度就一定最少要20分鐘,佢set返20分鐘就將個計時器用力發脾氣掉落對面張椅度,唔比我地拎到,下?家下我得罪你呀?蒸少五分鐘洗死呀?明明15分鐘都熟哂點解要逼我蒸咁耐唧?仲有我無啦啦做咩要受你氣?阿叔你發脾氣既點係邊度?我都由你,照跟你規矩行,再食左兩轉總共8隻蟹,時間以經係食左3個半鐘,阿叔無啦啦係蒸第五轉既時候將個鍋較細左火力,再將計時器較左24分鐘,因為我自己都有望住個電話計時,所以發現佢較長左時間,結果蒸完出黎既蟹根本唔熟,都仲係灰灰地色又黃黃地咁,我今次忍唔住出聲喇,阿叔點解你要較細個火呢?時間又蒸耐啲呢?而家都仲要蒸唔熟,阿叔只係答咁要擺返落去再蒸,隻手就較返大個火力,如果唔得我可以比多兩隻你蒸,我聽到咁樣既答覆即刻叫埋單啦,阿叔仲要答我你食哂先可以叫埋單,我真係嘈你都哂氣,都無哂胃口喇,結論係坐左係度四個鐘食左10隻蟹,火鍋都無食,食到一肚氣,比錢買難受,食既途中以經不斷聽到佢兩個都係度嘈怨巴閉,要佢地做野就好辛苦佢地咁,不停口噏噏比說話啲客人聽,好心做唔起任食就唔好學人做任食啦,又要搞呢搞路咁拖長時間,又係度做埋啲老土小動作,驚死你食得多蟹,又驚死你提早埋單用佢個優惠減錢,你咁驚人地提早埋單就唔好做咩優惠啦,我最後既結論係,要去呢間野度食飯,首先你要有非常強既耐性同埋EQ要極高,啲野食幾好食都無用啦,一次性既餐廳,可一不可再!!!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
3 已推介
    張貼
    評分
    味道
    環境
    服務
    衛生
    抵食
    用餐途徑
    堂食
    人均消費
    $520