珍妮曲奇 (已搬遷) 新店位置

我婆婆今日去買餅，打算買來送人， 排咗個幾鐘先到佢。去到間舖被佢迫着一定要跟package買， 仲要畀人大聲喝來喝去，粗聲粗氣，毫無服務態度可言。我婆婆前面有個11歲左右嘅女仔去買，點知個店員居然唔賣畀佢，仲要大聲夾惡。我婆婆睇唔過眼，好聲好氣叫佢細聲啲，點知佢居然鬧返我阿婆轉頭，話佢下次唔會再賣餅畀我阿婆。因為店舖限定每人只可買一個package，所以我阿婆又再排多個鐘去買。去到佢居然唔賣畀我阿婆， 仲話以後都唔再賣畀佢。 有冇搞錯，太過分了。香港宜家居然仲有啲咁差嘅服務態度，簡直令人髮指。我阿婆七十幾歲，排咗個幾鐘買，買唔到都算啦，仲要受一肚氣。除咗店員冇質素，服務態度極低劣之外，連一個人最基本嘅道德都冇埋，唔識得尊重老人小孩。一間冇道德倫理可言，重利輕義嘅店舖，我睇唔出有咩原因我會再去幫襯。