太平洋咖啡 (新港中心)

營業中

休息中

本來都唔會寫咖啡店嘅評論，但係呢間嘅員工服務態度真係唔係太好。今日行到攰諗住同朋友坐低飲杯咖啡，點知三個員工有兩個態度都好差，首先侍應同你講嘢同落單都唔會望住你，當你叫佢唔好意思重複一次，佢只係唔望住你，再做一次個口型。我哋真係聽唔到佢講乜嘢，其他客人都遇到一樣嘅問題。到等咖啡，未等完已經俾個侍應掉左你張單。然後侍應又會揸住個手機喺度講電話，有其他遊客經過要咖啡，都唔係好理佢哋。咖啡嘅味道比其他連鎖店淡，我哋飲左幾啖都急急腳咁走嘞。