皇府 (已結業)

黎過4-5次堂食，環境都舒服，拎黎壺茶唔熱嘅。每次都見好多人點「食神叉燒飯」，我同朋友今次就點左「乳豬叉燒飯」，佢地燒味唔錯，叉燒好鬆軟，之前點過炒粉麵就一般般，另外點過炸両食都好脆。之前黎見佢地員工都係黑口黑面，男經理態度好d, 不過今次員工服務態度極差，唔知係咪佢地經理放假冇人管，我地想睇清楚張單嘅項目時，點知個員工問「得未」我即時問佢咩態度，佢就轉身走扮聽唔到，多謝都唔望佢講句喇，只可惜經理今日放假投訴唔到。