醉上海 (已結業)

第一次食呢間上海野，三個人叫左1.南翔小龍包2.菜肉雲吞 3.炸銀絲卷 4.楊州炒飯 5.上海炒粗麵，總共五樣餸，仲叫咗杯豆漿添，諗住未試過啦，就試吓佢好唔好食，其實我覺得啲嘢食味道係唔差㗎，幾鍾意佢個楊州炒飯炒得幾香，菜肉雲吞加上高湯味道入口都不錯，炸銀絲卷入邊嘅麵包都切左一條條咁，方便點煉奶食，但係本身以為可以安安樂樂咁食餐飯，之後嘅體驗令我決定以後唔會再食呢間野，點解呢？計埋上菜時間，我哋坐喺餐廳嘅時間根本上好少，大約半個鐘左右，我哋已經差唔多清左枱上面嘅食物，正常你食完野都會想繼續飲番杯水唞一唞，但係個侍應啊姐，極速咁走來收走晒枱上面嘅碗碟，俾人感覺上好似想趕我地走咁，收走晒所有食物嘅碗碟之後，我哋嘅水杯仲有好大杯水，諗住飲埋先走啦，點知個侍應阿姐又走過來，就問我地啲水唔要㗎啦呵？係我未答佢嘅時候，佢已經將隻手指插左落d杯度，一野收走晒啲杯，我覺得佢今時今日咁嘅服務態度真係唔得，就算啲嘢食幾好食都好，呢間餐廳對於侍應嘅質素真係訓練得好差，好影響客人第日會唔會再次去食，總括嚟講，收+1嘅服務費，真心唔值得！