Straits Kitchen (已結業)

一個字：伏。見未試過即管試下，點知中伏。老闆娘態度好有問題，完全唔想做生意咁款。D嘢點好食都好，係真心貴，性價比低，重點係要邊食邊受氣。一入去果陣佢唔理你，要叫幾次先應。全程粗聲粗氣，態度惡劣，好無禮貌。埋單果陣個老闆娘會Mark up 個數，名名應該找多4毫子，佢會好似的士佬咁唔找。呢樣事小，食得唔開心事大！總括嚟講，間嘢服務極差（尤其是個老闆娘），同澳牛有得輝，咁唔想做不如執左佢算。除非你有被虐傾向，否則建議你去第二間。我就唔會再去架啦。