CHIMAC (駿業街)

營業中

休息中

野都未食但服務我已經首先比零分，入到去我首禮貌問一句”想問有冇堂食”，女服務員當我透明自己顧自己入外賣單，算，等你入埋，等咗都差唔多成分鐘。入完再問多一次，一句好嫌棄：「掃安心出行。」scan埋針卡仲補多句：「係咪要叫野食。」心諗係咪得罪你啲咩，全程態度嫌棄到好似我做錯啲咩有仇咁。得我一個等堂食，同場得另一位先生早過黎我黎一直等外賣，兩個人一直等望住佢等到佢去問有未，同一個女服務員基本上係搶佢張單黎睇，不過咁啱個外賣搞掂所以位先生攞咗就走。至於本人由1811落單最後1825先有得食，得一個人等堂食等足14分鐘，其間都有繼續觀察哩位女服務員嘅行為，對同事,外賣員態度都唔係有善。最後食物方面，炸雞還好薯條難食，但態度令我唔會再黎，食物質素其實還好，但如果有服務我一定比負分。