影片
更多
2024-02-03
1066 瀏覽
訂位後無confirm booking要自己打去問，入座後先知要限時90分鐘，諗住「居酒屋」可以同朋友食住野傾下計，侍應都好似好趕時間要趕你走咁。有一個講廣東話既男侍應態度最惡劣，落單時我地叫左部隊鍋、醬油蟹（加飯）、燒牛肉、牛油鮑魚，過左好耐佢地都未上部隊鍋，我地又忍唔住問果位侍應話仲差個部隊鍋，果位侍應竟然發爛渣話「你地冇叫過部隊鍋喎！」我地答佢我地有叫部隊鍋（而且第一樣就叫）然後佢再反駁「我有問你地係咪叫左4樣野，而家咪黎左4樣野囉！」當時枱面只有醬油蟹（加飯）、燒牛肉、牛油鮑魚，原來個跟醬油蟹既飯係計一樣野…….但重點係估唔到佢竟然會咁大反應去反駁客人，無禮貌都算，其實你當我地加單咪解決囉，我地又冇話你錯，又唔介意等多陣，點解要第一下就即刻去怪責客人？另外我地訂位時已曾經致電問過係咪需要開瓶費，亦同意左$100一支冇問題，落單後示意該侍應想開支酒，請佢比個冰桶我地裝酒，佢好驚訝咁話「下，你地自己帶左酒黎牙！？我地要收開瓶費架喎！」我地繼續冷靜咁回應佢話我地已查詢過並知道要開瓶費，然後佢又好無禮貌咁話「你拎支酒出黎比我睇下先」我地答佢係一支香檳，佢堅持要我地拎出黎，拎左出黎比佢睇
入座後先知要限時90分鐘，
諗住「居酒屋」可以同朋友食住野傾下計，
侍應都好似好趕時間要趕你走咁。
有一個講廣東話既男侍應態度最惡劣，
落單時我地叫左部隊鍋、醬油蟹（加飯）、燒牛肉、牛油鮑魚，
過左好耐佢地都未上部隊鍋，
我地又忍唔住問果位侍應話仲差個部隊鍋，
果位侍應竟然發爛渣話「你地冇叫過部隊鍋喎！」
我地答佢我地有叫部隊鍋（而且第一樣就叫）
然後佢再反駁「我有問你地係咪叫左4樣野，而家咪黎左4樣野囉！」
當時枱面只有醬油蟹（加飯）、燒牛肉、牛油鮑魚，
原來個跟醬油蟹既飯係計一樣野…….
但重點係估唔到佢竟然會咁大反應去反駁客人，
無禮貌都算，其實你當我地加單咪解決囉，
我地又冇話你錯，又唔介意等多陣，
點解要第一下就即刻去怪責客人？
另外我地訂位時已曾經致電問過係咪需要開瓶費，
亦同意左$100一支冇問題，
落單後示意該侍應想開支酒，請佢比個冰桶我地裝酒，
佢好驚訝咁話「下，你地自己帶左酒黎牙！？我地要收開瓶費架喎！」
我地繼續冷靜咁回應佢話我地已查詢過並知道要開瓶費，
然後佢又好無禮貌咁話「你拎支酒出黎比我睇下先」
我地答佢係一支香檳，佢堅持要我地拎出黎，
拎左出黎比佢睇之後佢一手拎左支酒去問另一個侍應，
問完之後佢就答「呢支要$100一支，有冇問題？」
我地一開始咪講左冇問題囉😅😅點解要留難人同埋大驚小怪呢？
服務非常不專業
整體黎講食物可以，但該侍應既服務態度真係不敢恭維，其他韓國侍應既態度不錯，唔知係咪因為佢識廣東話令佢workload太大，好大壓力，或者特登衰d等人唔會搵佢serve啦，但無論如何佢都令我地既用餐體驗好差。
部隊鍋
18 瀏覽
0 讚好
0 留言
烤牛肉
43 瀏覽
0 讚好
0 留言
牛油烤鮑魚
29 瀏覽
0 讚好
0 留言
364 瀏覽
1 讚好
0 留言
張貼
