Full Moon 滿月

營業中

休息中

幾年前佢啱啱開舖，我已經去幫襯。還記得當時服務態度超好。店員會細心問喺街度逗留幾耐，會比足夠嘅乾冰（for奶凍卷）。又會熱心推介好多啱我嘅產品俾我哋。嗰陣真係覺得佢係一間好有heart嘅舖頭。但之後唔知乜野原因，服務態度越嚟越唔好。問佢有乜推介就話款款都好。以前佢會主動問我要幫我將奶凍卷切開幾多件（免費），而家我叫佢幫我切開，佢會同我講要切開要加錢同埋話要跟返Standard去切件數。總之你會feel到佢唔想你問咁多嘢。乾冰又唔會話主動提供。不過無可否認佢啲奶凍卷係好食既。所以我都間唔中會嚟幫襯吓。我今日第一次試咗佢個凍芋泥奶茶。芋泥好多。我飲之前有搖過樽奶茶。但係根本啲芋泥結實都唔可以鬆開同唔可以用粗飲管吸入口。齋講奶茶，其道味道幾好。只不過而家芋泥同埋奶茶，根本唔可以融合為一杯嘢飲。我希望佢嘅服務態度真係可以改善下。我唔想因為佢既服務態度差咗而唔再去幫襯佢好食嘅奶凍卷。我出呢個post純粹想佢哋正視下. 我都好想佢生意興隆，繼續食到佢地既奶凍卷。