Chef's Stage Kitchen (愉景新城) (已結業)

雖然就打8號颱風，不過點都係要去食飯，於是揀咗一間附近嘅西餐廳。呢間餐廳本身都小有名氣，今次趁打風冇咁多人，一於去試吓。餐廳嘅裝修同佈置都好有氣氛，俾人嘅第一印象都唔錯。一入到餐廳，侍應已經好熱心咁幫我哋帶位，值得一讚。我哋叫咗兩份小食，首先嚟咗碟麵包，好香好好食。鵝肝多士係必食之選，特別係鵝肝，煎得啱啱好，配埋隔離嘅沙律就100分了。雞翼嘅調味都啱啱好，好耐冇食過咁夜魅嘅炸雞翼。份量都好充足，六隻雞翼兩個人食都好飽。終於嚟到主菜，我哋叫咗一碟黑松露意粉同牛扒。牛扒七成熟，肉質鮮嫩，配埋隔離嘅薯條，簡直係錦上添花。飲品我叫咗一杯mocha咖啡磚凍飲，成個飲品嘅設計好有心機，咖啡冰塊會慢慢溶，咖啡味會慢慢咁滲出嚟，真係別有一番心思。