L'attitude (已結業)

星期六黎呢度食午餐，選擇比西環嗰間少很多，坐低左就費事再搵餐廳揀好左就舉手落單企門口收銀嗰位長髮小姐木無表情地寫單，算到埋單時，我用信用卡俾錢，佢碌完我張咭俾張單我，但佢放低就算，擰轉頭頭也不回返去佢嘅收銀處發呆，筆都冇支俾我，我嗰下真係疑惑我係咪要咬爆手指用血簽名，我碌咁多次咭都係第一次見到呢種精英。佢同事就醒目，一眼望到呢位長髮精英冇俾筆我，就即刻同佢講，”你冇俾筆人簽名啊”，並即時係袋裡攞筆俾我同我道歉，但長髮精英仍覺得自己完全冇問題。佢有呢啲好同事幫佢補獲真係好好彩，但佢同事遇到佢就真係陰功。講返食物質素，我叫左魚生飯1號，價值148蚊，值唔值就真係見仁見智。份量比想像中細，飯係熱辣辣嘅，都偏濕漿口，不是黏口，是漿口，魚生質素和連鎖外帶壽司店差不多，而且星期六係冇麵豉湯送，所以在我角度黎講係唔值148再加一。是次用餐經驗都頗失望，定我的期望太高？因為西環嗰間不論服務和食物質素及選擇都比呢間優勝得多。