上海婆婆 (已結業)

平時見呢間小舖咁多人排好耐隊，都要去食，諗住應該唔錯啦，星期六約埋老媽子一於去試下，發現食物水準還可以的，又不是所想像中咁好味，但係服務態度真係好唔得．因為本人諗住用信用咭找數，當個侍應一見到我張咭，就即刻話１５０蚊以下的單唔俾得咭架喎，啲語氣同態度好似趕客咁，係人係鬼都知起碼的服務態度，應該都會識講”唔好意思，我地公司１５０以下用唔到信用咭找數”，　唔識講唔好意思不單止，仲好似個客無俾錢咁，今時今日仲有啲咁既服務態度，真的是難以至信．一間食店除咗食物水準之外，服務態度也很重要的，否則想成功都幾難囉！