家嫂一家大小

營業中

休息中

其實由一入門口個下開始班呀嬸態度已經好差。唔講真係以為自己去錯左d街邊大排檔。由頭到尾都係比人黑口黑面呼呼喝喝，食到最後仲衰，阻人收工掛應該，落單d口氣差到一個點。唔想做生意可以唔好開門，唔想返工不如辭職。又唔係平，呢個價錢食到一肚氣唔上黎寫返食評條氣都順唔到。同埋兩個人個d位好窄，就算係閒日夜晚其他大枱係吉晒，話要坐佢都唔比你坐。食物黎講質素正常。牛唔夠牛味，湯底都係普通野，不過海鮮算唔錯，只係成件事加埋都唔足以令我再黎。