湘川閣

營業中

休息中

尋晚約咗朋友去觀塘食飯，不嬲都好少去觀塘，但係就知宜安街多嘢食，咁啱大部份人都食得辣咁就搵間四川菜啦，原本朋友後唻推薦咗一間點知打去話冇位唯有揀去佢對面嗰間，因為見兩間啲菜式差唔多。有個貌似事頭婆嘅人唔知係撞聾定咩，叫親佢都要大大聲叫佢幾次先識應，應咗你又唔係行過唻問你要咩，一路問你要咩一路行咗去非常之冇禮貌。後唻點餐叫咗大部份嘢都冇問題，係其中一個烤羊排，一唻到我地一睇都覺得呢碟係豬排唻，大家都未見過烤羊排會好似一塊塊豬扒咁，一般都係一條條肋骨，而且食落完全覺得唔係羊肉係豬排，同佢地講，佢地死口 堅持係羊扒我哋要求取消，個女人死都唔肯同我哋取消，然後我哋話呢碟嘢我哋唔會畀錢， 佢仲話要報警又話成態度非常之差。我地都堅持唔接受你唔知俾啲咩我地就食，既然大家口同鼻拗都冇意思，咁我哋提議換個第二樣餸， 個女人話好，但係佢話要一樣價錢嘅餸， 但係有冇乜餸係一樣價錢我哋提出揀兩個加埋等如相等價錢嘅餸，但係佢又玩嘢話唔得，最後揀咗個雞煲就算。喺呢件事上覺得佢處理得非常差啲女人唔係做生意係要撩交嗌， 見佢同隔離枱啲客都係咁樣嘈， 呢間嘢嘢食普普通通唔係話太好食亦都唔算太難食， 但係啲咁嘅服務態度一