松記糖水店 (已結業)

一路以黎都好鐘意佢嘅芒果滑冰，我飲過嘅芒果沙冰都有一陣濃縮果汁嘅味，但係松記嘅芒果滑冰係真係新鮮芒果嘅味，真心推薦！(不過就千其唔好去九龍灣呢間)我飲左芒果滑冰已經飲左幾年😂(因為係屋企樓下)，俾左嘅錢應該有$1000+(無誇張 芒果滑冰一杯$30) 講翻態度問題，既然我飲左咁耐，我都認得d人啦，店員大部分都態度好差！！(好似除左一個瘦瘦地嘅黑髮阿姨)有次我同朋友去個度食糖水，夜晚9點幾，咁食糖水傾下計可能槽左d，個個啡色頭髮阿嬸就行過黎鬧我地：「同學！可唔可以細聲d啊！」真係好rude嘅語氣+凶狠嘅表情…嚇到我同同學即刻噓聲，快d食完快d走。其實宜家諗番，我應該即刻鬧爆佢！咩態度啊！我地宜家係消費者仲要受你氣？同埋個陣夜晚咁多人，又唔係得我地槽，又唔見你鬧d大人？！淨係識蝦學生！認住啡色頭髮個個阿嬸！無見過佢有一次好態度！(其實佢係咪覺得自己係老闆？唔係點解咁囂張？！)最后令我決定真係永遠都唔幫襯係前幾日又去買嘅時候，個日我病左，戴住口罩，咁我可能沙住聲咁話要芒果滑冰啦，又係個阿嬸就又鬧我啦喎：「講大聲d？」真係好rude個隻仲要超大聲！我都係唔怕煩去淘大個度食糖水好過去呢間度受氣啦