華山

營業中

休息中

見到食評唔錯，裝修幾靚諗住去試吓，點知中咗大伏叫咗菠菜汁煙三文魚意粉，點知冇晒煙三文魚俾咗啲疑似雪藏蝦，一啲都唔好食，成碟意粉冇乜味，最特別就係成碟都綠色最激氣最差嘅係嗌咗咁簡單一個意粉，居然等咗差唔多一個鐘先有得食，我明白係Cafe，我但係都係想食嘢先嚟嘅啫，等咁耐先有得食，餓到唔餓。隔籬枱有一堆人影緊相，跟住有個疑似老闆娘既人好差嘅態度大大聲叫佢哋細聲啲同埋執返好啲枱凳，真心覺得個服務態度有好大改善空間，個態度唔使咁衰，惡到黐線，有一枱有隻好乖無出聲坐係主人度既小狗，人地準備埋單先無啦啦發惡鬧人話唔得，之後又喺度鬧個後生個女員工點解俾人哋入嚟，個後生女員工服務態度好好，又好溫柔，會講唔好意思啲食物咁遲先黎，見到佢俾人鬧都覺得好慘。今次體驗好差，一定唔會再去。