影片
更多
2017-12-03
274 瀏覽
今日星期日放假，又要變身扮好媽媽角色😎撞岩尋日2~12~2017係我個仔既細佬12歲生日，咁今日就同佢補祝生日飯，而壽星仔話鐘意据扒，當時我地響MageBox 行緊，最後大家都決定食呢間主題餐廳！一入座就覺得好色彩繽紛既感覺，成間店牆上都畫上不同的公仔圖案，仲有我最愛既咸旦超人，真係好得意。睇完餐牌後一人點左一入扒餐，另加左幾樣散叫同埋飲品……壽星點左T骨扒餐（燒汁）我肥仔點左什扒餐（蒜蓉汁）我點左肉眼扒餐（黑椒汁）跟住佢地話要點小食，我都諗住既然慶祝生日，當然佢地想食咩都由佢啦，所以無諗過份量問題，由得佢兩兄弟點豬助骨，芝士焗肉醬薯條，我就點左塊辣肉腸Pizza，至於飲品，我飲青蘋果益力多梳打我仔飲左2杯凍朱古力壽星飲士多啤梨奶昔+紫檸檬沙冰咪講笑，呢餐飽到甩碌，我除左食晒自己份肉眼扒外，仲食埋佢地既配菜，兩個男仔根本就係眼寛肚窄，佢地自己份扒都食唔晒，當然更加無可能食到小食啦！真係唯有叫佢地打包返屋企做宵夜，但呢間我都覺得幾好食，除左好食之外，每一位服務員既服務態度都超好🖒真係好有禮貌，唯一有點小失誤就係我食唔晒啲野要打包，問服務員攞2個外賣盒，但攞黎既外賣盒根本唔岩用，後來我再問
撞岩尋日2~12~2017係我個仔既細佬12歲生日，咁今日就同佢補祝生日飯，而壽星仔話鐘意据扒，當時我地響MageBox 行緊，最後大家都決定食呢間主題餐廳！一入座就覺得好色彩繽紛既感覺，成間店牆上都畫上不同的公仔圖案，仲有我最愛既咸旦超人，真係好得意。
睇完餐牌後一人點左一入扒餐，另加左幾樣散叫同埋飲品……
壽星點左T骨扒餐（燒汁）
我肥仔點左什扒餐（蒜蓉汁）
我點左肉眼扒餐（黑椒汁）
跟住佢地話要點小食，我都諗住既然慶祝生日，當然佢地想食咩都由佢啦，所以無諗過份量問題，由得佢兩兄弟點豬助骨，芝士焗肉醬薯條，我就點左塊辣肉腸Pizza，至於飲品，我飲青蘋果益力多梳打
我仔飲左2杯凍朱古力
壽星飲士多啤梨奶昔+紫檸檬沙冰
咪講笑，呢餐飽到甩碌，我除左食晒自己份肉眼扒外，仲食埋佢地既配菜，兩個男仔根本就係眼寛肚窄，佢地自己份扒都食唔晒，當然更加無可能食到小食啦！真係唯有叫佢地打包返屋企做宵夜，但呢間我都覺得幾好食，除左好食之外，每一位服務員既服務態度都超好🖒真係好有禮貌，唯一有點小失誤就係我食唔晒啲野要打包，問服務員攞2個外賣盒，但攞黎既外賣盒根本唔岩用，後來我再問有無一啲無格既外賣飯盒，竟然係無既，咁我唯有將豬肋骨切開一舊舊先放入盒內，但呢款盒亦唔適合放Pizza，亦抱住世上無難事，只有格硬黎既宗旨，將食唔晒既野打包好…………
張貼
