路斯餐廳 (已結業)

先講下第一次去。第一次去食物味道都幾好，雖然個女侍應好似咩都唔識做咁，員少其他服務都ok接受到今次兩個人去食晚餐入到去叫我地掃安心出行，屋企人有我無。問佢有無紙，佢就答掃左先。咁我就呆左問多次有無紙。佢都係答掃左先。終於去到枱先比張紙我。咁你清楚少少講比我地聽，等我唔好好似個傻仔咁唔知你做咩。嗌左每人一個意粉。個汁已經麻麻（都無咩所謂，間間都係咁）叫餐飲落左杯檸茶，杯檸茶塊檸檬苦苦地，落左兩包糖都係苦，唯有問下侍應可唔可以比杯新。個女侍應竟然答你飲過架。就係飲過好難飲先叫你換一杯新嘅俾我哋。飲左幾擔苦到咁點飲。個侍應仲要走去叫經理講。好彩個經理識做都轉個杯新。比野飲個時，比紙杯唔係問題，但係你將隻鐵羹放係杯滾嘅野飲上面，係好熱手。最後埋單$100幾 比2張$100佢，仲要好似怪我地比少錢咁（屋企人後尾講返比我聽）我當時無留意所以唔作評論。其實我明白服務業多麻煩客，你地會嬲。但自問我地無鬧過你，直至係第一個女侍應咁嘅態度講野先嬲。希望你地係收客人服務費個時，比返少少尊重啲客人。