巧得鍋 (已結業)

今日Mina去上興趣班，上完之後，Mina話肚餓，我哋搵下附近有咩好食先，今日天氣又突然間轉涼，我哋就想去食下雞煲，諗起觀塘有一間食午市雞煲2人套餐先$168，價錢好優惠的巧得鍋！今時今日咁嘅價錢，已經可以食到雞煲2人套餐，性格比高👍巧得鍋位於觀塘成業街，港鐵B2出口行2分鐘就到。裝修以木製枱凳為主，座位寬敞，坐得舒服，成班朋友或一家大小，一齊嚟食飯聚會，都唔會覺得迫，想講一講呢度嘅服務態度真係非常之好，老土啲講句，真係有賓至如歸嘅感覺🥰✨套餐包括：雞🐓半隻、白飯🍚兩碗、娃娃菜🥬及兩杯飲品🍸🌟招牌雞煲半隻🐓可以揀辣或者唔辣，雞肉整得好入味，醬汁好香濃，我將個雞汁撇油後，用嚟俾Mina撈飯食，佢都話好味🌟魚湯娃娃菜🥬魚湯鮮甜，娃娃菜整得夠腍同好入味，份量比較大份🌟菠蘿沙冰🍍沙冰刨得好細，菠蘿味重，但又唔會太甜，酸酸甜甜好解滯！🌟鮮果特飲🍎🍏🍋食完香濃味重嘅雞煲，飲番杯鮮果特飲，即刻爽晒，mina姐搶住飲😝