Pokka Cafe (已結業)

今晚我們去咗銅鑼灣名店坊嘅「Le Grand Pokka Cafe」食晚飯！我們叫咗鮮磨菇湯、烤澳洲戰芹牛扒同鐵板燒豬手！鮮磨菇湯嘅味道相當香滑濃郁，加埋粒粒鮮甜嫩滑嘅磨菇，令到口感更加豐富！烤澳洲戰芹牛扒嘅份量係超重量級，賣相非常吸引，將牛扒放喺熱石上面，喜歡食幾成熟可以自己控制，牛扒嘅肉質超級鬆軟嫩滑，肉味極之濃郁，而且非常厚身，口感相當豐富！喺食嘅途中店員會好有禮咁不斷幫我們更換新嘅熱石，可以一直保持住牛扒新鮮熱辣！真係超正呀！鐵板燒豬手非常大隻，肉質相當鬆軟，豬皮嘅質感極之煙韌彈牙，骨膠原好豐富，而且唔會有好油膩嘅感覺！鮮果特飲：全部都係用新鮮果肉打碎，唔係非一般嗰啲用糖漿開出嚟嘅，絕對係真材實料！小妹就比較喜歡青蘋果蘆薈冰果汁嘅清甜！媽咪就比較喜歡士多啤梨蘆薈冰果汁嘅香甜！而爹哋就比較喜歡鮮藍莓蘆薈冰果汁嘅濃郁！甜品：我們叫咗幾款唔同嘅芝士蛋糕，而朱古力Tiramisu芝士卷嘅賣相就最精緻吸引，金箔花紋好高雅，口感好香滑鬆軟！另外！值得一讚嘅係當時嘅天氣好熱，男店長好有禮貌咁同人客講話，外面好熱，不如入嚟店內等，而且對每一檯人客嘅服務態度都非常親切有禮！