影片
更多
2014-08-14
1266 瀏覽
今日同親友到鳳城飲茶。其平時好少去CWB飲茶，因為CWB有更多更好嘅選擇，不過呢間真係好就腳，而且12點半都唔駛等位。今日叫左十幾樣點心，當中有所謂嘅招牌菜，豬腳薑、炸鮮奶，不過有D失望。豬腳薑用一個大飯碗裝住，數得出有兩舊豬腳、兩舊薑加一隻蛋，OK，百物騰貴，我明白。炸鮮奶就無甜味，比起北角嘅鳳城差得遠。中肯果句就係：呢個價+呢個質素可以接受，而且合理。
今日叫左十幾樣點心，當中有所謂嘅招牌菜，豬腳薑、炸鮮奶，不過有D失望。豬腳薑用一個大飯碗裝住，數得出有兩舊豬腳、兩舊薑加一隻蛋，OK，百物騰貴，我明白。炸鮮奶就無甜味，比起北角嘅鳳城差得遠。中肯果句就係：呢個價+呢個質素可以接受，而且合理。
題外話/補充資料：
但係我發覺食物嘅質素唔係最重要‥‥‥
話說點心擺滿成枱，個傳菜再送點心黎，佢移開我杯茶，將幾碟食剩嘅空碟疊係我面前(因為移開埋我杯茶係有多D空位，而佢就企係我側邊，真係好順手!)，咁緊係以為佢擺好D點心就收埋D空碟，點知佢轉頭走，開聲叫佢拎走D空碟，佢拋左一句：「(態度唔友善咁話)我唔收。」我就話：「即係點，唔駛收呀﹖」(同時指住我面前嘅空碟，心諗：唔收點解要疊埋佢係我面前﹖)果時佢已經走遠左幾步，佢話：「唔得閒!」(態度更差!)佢去左側邊果張枱傳菜。當然我明白傳菜嘅就係傳菜，唔收碟，咁你唔收碟就唔好疊埋佢、仲要擺我面前，仲要咁差嘅態度。咁附近嘅部長呢﹖我再望望附近嘅部長，兩個部長都係同人「打呀較」(似乎係熟客)，一個係隔離枱同班客望住部手機講緊野(肯定唔係落緊單)，另個係再遠D嘅兩張枱傾緊計。舉晒手都無一個埋我。仲有，個傳菜身上都唔掛名牌，要投訴點知搵邊個呀﹖
我相信一間餐廳食物質素固然重要，服務態度更重要。人人食得開心，質素有基本嘅水準，我係已經接受。唔通唔係熟客就歡迎﹖
(以上食評乃用戶個人意見 , 並不代表OpenRice之觀點。)
張貼