西偲名屋 (已結業)

星期日行完鹽田梓就打算係西貢搵間Cafe食下野。我地叫左2個雞扒飯，1個紐西蘭牛牛旦飯，同3杯野飲。野飲唔錯，特別係「我的前度咖啡」，味道很特別。食物質素方面，雞扒都煎得幾好，但其中一個飯d飯係生生地，但算食到既。而最差既係牛牛飯，2塊牛係好乾既...，蛋糕，可能因為雪得耐，好硬... 真係好差特別需要改善既係服務質素... 話說牛牛旦飯係一個套餐，跟埋燒牛肉青瓜... 我地食完主食，男友去拎蛋糕時已經同店員講青瓜未到，店員話整緊。到食完蛋糕，青瓜仍未到，我地又再追多次單，店員都係話跟緊。第3次再追佢話5分鐘後到。最後... 佢送左碟牛牛意粉，我地話我地只係差個燒牛肉青瓜，店員話我地講得唔清楚...再等多幾分鐘，店員再送餐，送左煙三文魚青瓜... 好無奈 因為等左好耐，所以食左就走人。我覺得漏單唔緊要，但唔好hea人，服務質素真係要改下... 呢間下次不了。