Amber’s Table (已搬遷) 新店位置

舊同學介紹呢間餐廳，剛巧約朋友食飯，就過嚟試試!縱使被推薦必食豬手，亦親眼見到鄰座的份量十足，由於喺公司食了tea，所以唔餓，今晚就叫輕量啲啦!我叫了意大利雜菜湯及軟殼蟹黑松露忌廉汁意粉。真係唔餓，不過呢度嘅麵包擺到面前，又多款(3款每款2件)又實在太好味，湯未嚟已忍唔住食晒!攪到更加食唔落其他!朋友叫了羊架。食物(由於沒有試食朋友嘅，只能分享自己的感受):麵包夠多款式，夠鬆軟!湯足料，夠香，又唔太，畢竟雜菜湯就係咁!意粉夠彈牙，廚師亦唔孤寒落黑松露，令意粉充滿黑松露味道，齒甲留香!環境:餐廳用餐位置呈L型，近水吧位置座位較入內濶落，裡面枱與枱距離比較近。服務:超好，估唔到一間餐廳有咁好服務! 事緣: 我哋對黃埔唔熟路，因為訂了位唔想遲，又唔識睇地圖，於是打去問地址。聽電話嗰位店員好細心咁指引我，但路痴嘅我都係揾唔到，於是店員主動叫我喺當時位置,佢嚟帶我哋去。呢種服務態度，真心難得一遇!呢位店員喺店內對所有客人都一樣熱誠，超讚!