Gochi (已結業)

2023.07.17 dinner呢一日，終於嚟咗呢度試，其實之前睇到一個食評話有烏蠅，加上佢又唔係平價餐廳，所以一路都冇試，見事隔都好一段日子，呢晚又唔知食咩好，所以就嚟咗。入到去，服務員帶位，好正常，但我哋唔係好想坐圓枱，我已經好有禮貌問：唔好意思，想坐另一張枱。點知服務員一句，邊張呀！心諗，咩事呢，可唔可以有翻少少禮貌呢？真係想即時走人！店內音樂又開得勁大聲，如果真係只係一間酒吧型式都冇問題，但唔係囉，幾枱都只係食晚餐，有長者又有小朋友，嘈到都唔係好傾到偈😵‍💫揀咗一個辣肉腸芝士pizza $168 加一個墨魚汁西班牙海鮮焗飯，都係$168，對我哋嚟講都冇乜選擇，價錢亦都唔算平。Pizza 先到，正常樣正常味道，冇乜特別。跟住海鮮焗飯到，賣相唔錯，但唔小心就被隻碟辣親，店員完全冇提客人’小心熱’之類嘅說話⋯⋯唉⋯⋯其實真係基本嘅服務態度都冇👎🏼 焗飯味道都唔錯，食材都幾新鮮👍🏼後記：一次夠了！