影片
更多
2009-01-11
2 瀏覽
之前分別同朋友及男朋友黎食過，覺得佢既心太軟好好食！於是今晚晚飯後，依然冒住寒風行出銅鑼灣，一解想食甜野之苦！同男友決定點心太軟及TIRAMISU，但點完無耐落單既男待應就番轉頭同我地講TIRAMISU 剛剛買哂，而佢又無意欲叫我地揀過另一款甜品，加上餐牌上既其他甜品又唔係好啱食，所以就淨係點左心太軟就算。10分鐘左右，心太軟就黎到，份量唔係好大，伴一球雲尼拿雪糕，賣相尚算對辨。可是一食入口，發覺唔夠熱，完全唔似剛剛焗起，反而有d 似一個焗唔熟既朱古力蛋糕放左入微波爐叮暖左……有少少失望，不過其實味道都唔太差既！食完準備埋單，激心既事就黎喇！一個女待應行埋黎，同我地講「有minimum charge，一定最少每個人叫一樣野，否則淨飲要俾$40」，但我地揭極d menu 都唔見有條咁既rules，原來佢寫左係牆上面既黑板到……Wing's 似「燈光調得很暗」見稱，黑板上既字有幾突出可想而知……我地都無諗住爭論d 咩，但真係揭極個menu 都唔知仲可以叫d 咩，都諗住豪左個$40 就算！出到cashier，擺低$100 諗住走既時候，同我地講有minimum charge 既女待應用一d
同男友決定點心太軟及TIRAMISU，但點完無耐落單既男待應就番轉頭同我地講TIRAMISU 剛剛買哂，而佢又無意欲叫我地揀過另一款甜品，加上餐牌上既其他甜品又唔係好啱食，所以就淨係點左心太軟就算。
10分鐘左右，心太軟就黎到，份量唔係好大，伴一球雲尼拿雪糕，賣相尚算對辨。可是一食入口，發覺唔夠熱，完全唔似剛剛焗起，反而有d 似一個焗唔熟既朱古力蛋糕放左入微波爐叮暖左……有少少失望，不過其實味道都唔太差既！
食完準備埋單，激心既事就黎喇！一個女待應行埋黎，同我地講「有minimum charge，一定最少每個人叫一樣野，否則淨飲要俾$40」，但我地揭極d menu 都唔見有條咁既rules，原來佢寫左係牆上面既黑板到……Wing's 似「燈光調得很暗」見稱，黑板上既字有幾突出可想而知……我地都無諗住爭論d 咩，但真係揭極個menu 都唔知仲可以叫d 咩，都諗住豪左個$40 就算！
出到cashier，擺低$100 諗住走既時候，同我地講有minimum charge 既女待應用一d 串串地既口吻同我地講：「唔夠wor！」原來我地計漏左加一，$52 既心太軟加$40 既淨飲再加一應該係$101先啱！但佢既態度實在太差，令我男友既理智線斷裂左，拎左$20 俾埋個尾數後，再同個負責人投訴！一黎佢地餐牌同待應都無remind 客人有minimum charge 呢回事，只靠暗黑既牆上的一句去提醒客人有d 取巧；二黎女待應可以同d 好d 既態度去話俾客人知未俾夠錢，而唔係一句「唔夠wor！」攤埋黎……負責人都有同我地say sorry，仲好好人咁退番淨飲既$40 俾我地。
不過因為今次既經歷，加上一個只係微暖既心太軟，我地都應該唔會再幫襯喇……
張貼