影片
更多
2021-06-21
403 瀏覽
今次係第一次幫襯，同朋友一共叫咗兩個丼飯同兩款刺身。丼飯算快上到，只係等咗大約三個字，咁我哋就開始食。食到個飯都食完兩個刺身都未嚟，嗰陣已經距離落單around 45分鐘，我哋就同侍應講："唔該我哋仲有兩個刺身一一""係要等好耐㗎！"都未講完就俾人打斷🥲其實我哋都見到大家好忙，明白可能要等耐少少，所以都特登等食埋個飯先問，但你咁答得我哋就再等下啦。隔咗一陣第二枱有一個女人發唒癲咁又叫人GET OUT! 又係咁要見老細，好似話等咗30分鐘都完全冇嘢食。擾攘咗一輪個女人走咗，我哋聽到老細問翻樓面，原來有伙記漏單。嗰陣我同朋友都諗其實我哋啲刺身係咪都漏咗單呢？等咗接近個半鐘，隔離同我哋一齊入嘅嗰枱都有叫刺身仲食完走咗，我哋決定直接問係咪漏單，侍應check 完機問我哋叫咗咩刺身，"赤貝同真鯛""今日冇赤貝"... 其實已經好明顯你哋係漏單，但一句唔好意思都冇，頭先落單又冇人同我哋講冇赤貝。雖然頭先個女人好巴渣好冇禮貌，但嗰一刻就覺得你哋都唔抵幫，啱啱先發生完一單咁嘅嘢，你哋態度仲係咁差，完全唔覺得自己有做錯過咁。最後我哋淨係要埋真鯛就算，今次只係等咗5-10分鐘。其實呢間啲嘢食ok, 但真係
"唔該我哋仲有兩個刺身一一"
"係要等好耐㗎！"
都未講完就俾人打斷🥲其實我哋都見到大家好忙，明白可能要等耐少少，所以都特登等食埋個飯先問，但你咁答得我哋就再等下啦。
隔咗一陣第二枱有一個女人發唒癲咁又叫人GET OUT! 又係咁要見老細，好似話等咗30分鐘都完全冇嘢食。擾攘咗一輪個女人走咗，我哋聽到老細問翻樓面，原來有伙記漏單。
嗰陣我同朋友都諗其實我哋啲刺身係咪都漏咗單呢？等咗接近個半鐘，隔離同我哋一齊入嘅嗰枱都有叫刺身仲食完走咗，我哋決定直接問係咪漏單，侍應check 完機問我哋叫咗咩刺身，
"赤貝同真鯛"
"今日冇赤貝"
... 其實已經好明顯你哋係漏單，但一句唔好意思都冇，頭先落單又冇人同我哋講冇赤貝。雖然頭先個女人好巴渣好冇禮貌，但嗰一刻就覺得你哋都唔抵幫，啱啱先發生完一單咁嘅嘢，你哋態度仲係咁差，完全唔覺得自己有做錯過咁。
最後我哋淨係要埋真鯛就算，今次只係等咗5-10分鐘。其實呢間啲嘢食ok, 但真係希望你哋可以改善下服務質素同態度，唔係黃店就大唒。
張貼