大自然素食

營業中

休息中

平日嘅中午去食都幾多人，可能因為咁，所以佢地都未必夠人手去招呼客人，係叫餐嘅時候，等咗好耐都未必得閒去應你，甚至乎講一句‘好，你等等’都冇，好似見你唔到咁。不過叫咗野食，上餐速度反而好快。其實野食同價錢都唔錯，我地三個人叫咗鮮竹粒斑腩豆腐煲、豉汁煎釀尖椒同埋水蜜桃黑松露芝士焗飯。水蜜桃黑松露芝士焗飯係午餐set,有埋湯都係53蚊，而且幾大份，的確幾抵食，黑松露味幾足，而且唔似係黑松露粉。鮮竹粒斑腩豆腐煲都好大份，好足料，就係油比較多，味道都唔錯。豉汁煎釀尖椒食落同真嘅一樣，就係對我呢講嘅椒太辣。